ඔබේ පවුල සංස්කෘතීන් සහ රටවල්වල සම්මිශ්‍රණයක් වූ විට ඒ අතර ඔබට වඩාත් උචිත තැනක් සොයා ගැනීම අපහසු විය හැකිය. මගේ පසුබිම සම්මිශ්‍රණයකි.  මම ද්විත්ව පුරවැසියෙකු ලෙස රටවල් 2 ක ජාතිකත්වය දරන අතර මට එම රටවල් දෙකෙන් එකකවත් ජීවත් වීමට අදහසක් නැත.  මගේ මව බ්‍රිතාන්‍ය ජාතික වන අතර ඇය ලෝකයේ තවත් රටවල් 4කම ජීවත් වී ඇත.  මගේ පියා ස්වදේශික මඕරි (නවසීලන්තය) ජාතිකයෙකු වන අතර ඔහුද ලෝකයේ තවත් රටවල් 3ක ජීවත් වී ඇත . එබැවින් මම ද ඔවුන්ගේ අඩිපාරේ ම ගොස් මා ඉපදුණු රටම නොව වෙනත් බොහෝ රටවල්ද මගේ නිවහන කර ගැනීම පුදුමයක් නොවේ.

මම ඇමරිකාවේ සිට පැමිණි අයෙකු වුවද කුඩා කාලයේ නවසීලන්තයේද කෙටි කාලයක් ජීවත් වුණෙමි.  ඇමරිකානුවෙකු ලෙස මම එරට ජීවත් වූ වසරවලින් වැඩි කාලයක් ගත කළේ ද්විත්ව පුරවැසියෙකු ලෙසයි.  බොහෝ ඇමරිකානුවන් දරන පොදු විශ්වාසයක් වන්නේ පෘථිවියේ වෙනත් කිසිදු තැනක් ඇමරිකාව තරම් විශාල නොවන බවයි.  ඇමරිකා එක්සත් ජනපදය යනු සංස්කෘතීන් සහ ආගම්වලින් පිරී ඉතිරී යන ස්ථානයකි. එය බොහෝ නව තාක්ෂණික සංක්ල්පවල සහ ජීවිතය වෙනස් කරන නවෝත්පාදනවල කේන්ද්‍රස්ථානයයි.  සමානාත්මතාවය, නිදහස, මුදල්, බලය, ආරක්ෂාව සහ ස්ථාවරත්වය යනු බොහෝදෙනා ඇමරිකානු එක්සත් ජනපදයට සංක්‍රමණය වීමට හෝ එහි රැඳී සිටීමට බලපාන හේතු කිහිපයකි. තවද ඔවුන් අපේක්ෂා කරන "ඇමරිකානු සිහිනය" තුළ ජීවත් වීමට ඇති කැමැත්තද මෙයට හේතු වෙයි.

සෑම දෙයක්ම මගේ අත ළඟම ඇති බව හැඟී යා යුතුව තිබුණද, මට යම් දෙයක් මගී ජීවිතයට නොගැලපෙන බව සිතෙන්නට ගත්තා.  මට ගැළපෙන දේවල් සමඟ මට නිවැරදි සමබරතාවයක් ගොඬනඟා ගත නොහැකි වුණා.

මගේ මව්පියන් දෙදෙනාම මේ ජීවිතයෙන් සමුගෙන ඇත.  ඒ දෙදෙනාම මිය ගිය පසු, ඇමෙරිකාවෙන් පිටවීමට අන් කිසිම දෙයක් මට බාධාවක් වූයේ නැත.  ඔවුන් තවමත් මෙහි සිටියා නම් මම ඔවුන් වෙනුවෙන් නැවතී සිටිනු ඇත. එම නිසා මගේ ඇමරිකා එක්සත් ජනපදයේ නැංගුරම වැඩි කලක් පැවතියේ නැත.  නව භාෂාවක් ඉගෙනීමෙන් සංවර්ධනය වීම, ධනයෙන් හා මුදලින් නොව මනා ජීවින සමතුලිතතාවයකින් ජීවත් වීම, එසේත් නැතිනම්, කෙටියෙන් කිවහොත්, වඩා හොඳ ජීවන තත්ත්වයක් සහ පුළුල් ලෝක දර්ශනයක් ලබා ගැනීමේ අපේක්ෂාව සිත තුළ පැවති නිසා මම ඒ සියල්ල් අත්හැර යාමට තීරණය කළෙමි.

අවාසනාවකට මෙන් වර්තමානය වන විට, බොහෝ රටවල් දේශපාලනික වශයෙන් උණුසුම් තත්ත්වයන් සහ යුද්ධමය තත්ත්වයන් අත්විඳිමින් සිටී.  එම ස්ථානවල වෙසෙන අයට තම රට කෙරෙහි ආදරයක් ඇති අතර එය හදවතේ ගැඹුරටම මුල් බැස ඇත.  කනගාටුවට කරුණක් වන්නේ, ඔවුන්ට තම රටේ රැඳී සිටීමට වරම් නොමැතිව වෙනත් ස්ථානවල රැකවරණය පැතීමට සිදු වීමයි.

මම ඉපදුන රට හැර යාමෙන් මා බලාපොරොත්තු වන්නේ ජීවිතය හෝ මරණය නොවේ.  මගේ දෙමාපියන් ගිය අඩිපාරම තෝරා ගැනීමට හැකිවීම මම භාග්‍යක් කොට සලකමි.  එමඟින් මම සෙවූ දේවල් සහ තවත් බොහෝ දේවල්ද සොයා ගැනීමට මට අවස්ථාව ලැබිණි.  එය මට නව දෘෂ්ටිකෝණයකින් ලෝකය දෙස බැලීමට ඉඩ සලසා දී ඇත.  මගේ දැක්මෙන් වැඩි ප්‍රමාණයක්  හැඩ ගැසී ඇත්තේ ඇමරිකානු සිහිනයේ දැඩි බලපෑමෙනි.  මගේ නව මානසිකත්වයට හේතුව කුමක් වුවත්, මා උපන් දේශය සහ මා විසින් මගේ නිවස ලෙස හඳුන්වන දේශය, මට මගේ දෙමාපියන් ඔවුන්ගේ ජීවිත කාලය තුළ කළ දේ සහ මගේ ජීවිතයේදීත් මා විසින් එම මාර්ගයම තෝරා ගත්තේ ඇයිද යන්න පිළිබඳ දැක්මක් මට ලබා දී ඇත.